نگاه نو- ایران کے وزیر خارجہ نے صہیونی حکومت کے وزیر جنگ کی گستاخانہ تقریر کے جواب میں خبردار کیا ہے کہ ایران کے عوام اور حکام کے خلاف کوئی بھی دھمکی فوری اور مضبوط جواب کی مستحق ہوگی۔
ایران کے وزیر خارجہ سید عباس عراقچی نے آج صہیونی حکومت اسرائیل کے وزیر جنگ اسرائیل کاٹز کی گستاخانہ تقریر کے ردعمل میں ایکس پر ایک پیغام میں لکھا کہ “اسلام آباد مفاہمت نامے کی دفعات بالکل واضح ہیں اور ہر کوئی ان کا مشاہدہ کرسکتا ہے”۔
انہوں نے مزید کہا کہ “امریکہ کے صدر نے ریاست ہائے متحدہ کو اس بات کا پابند کیا ہے کہ وہ تل ابیب میں اپنے پالتو درندوں کو قابو میں رکھیں۔ اگر وہ اپنے آقا کے حکم کی خلاف ورزی کرتے ہیں تو ایران انہیں ضروری سبق دے گا”۔
عراقچی نے یہ بھی خبردار کیا کہ “ہمارے عوام اور حکام کے خلاف کوئی بھی دھمکی فوری اور طاقتور جواب کا سامنا کرے گی”۔
واضح رہے کہ اسرائیل کے وزیر جنگ نے منگل کی شب ایران کے حکام کو قتل کرنے کی دھمکی دی تھی اور ایران کو وسیع تر جنگ سے بھی ڈرایا تھا۔