نگاه نو- پاسداران انقلاب نے ایک بیان میں اعلان کیا ہے کہ اردن میں امریکی میرینز کا کیمپ جسے کیمپ تبٹین کہا جاتا ہے، بیلسٹک میزائلوں کا نشانہ بنا جس کے نتیجے میں بڑی تعداد میں امریکی اہلکار ہلاک ہو گئے۔
پاسداران انقلاب اسلامی کی عوامی تعلقات کی شعبے کی جانب سے جاری کردہ بیان کا متن درج ذیل ہے:
بسم اللہ قاصم الجبارین
قَاتِلُوهُمْ يُعَذِّبْهُمُ اللَّهُ بِأَيْدِيكُمْ وَيُخْزِهِمْ وَيَنْصُرْكُمْ عَلَيْهِمْ وَيَشْفِ صُدُورَ قَوْمٍ مُؤْمِنِينَ
اے ایران کی عظیم اور بیدار قوم،
شکست خوردہ اور دہشت گرد امریکی فوج، جو مجاہدین اسلام کے ساتھ براہ راست مقابلہ کرنے سے عاجز ہے، نے سیرک میں ایک رہائشی مکان پر وحشیانہ حملہ کر کے دو نوجوانوں کی شادی کی تقریب کو خاک و خون میں تبدیل کر دیا اور پچاس کے قریب معصوم شہریوں کو شہید اور زخمی کر کے میناب اسکول اور لامرد اسٹیڈیم کے ظلم و ستم کی یاد تازہ کر دی۔
بچے مارنے والی امریکی ریاست نے اس سفاکانہ حملے میں متعدد افراد بشمول ایک بچے کو شہید کر کے عوام ایران سے اپنی انتہائی دشمنی اور کینہ کا ایک بار پھر اظہار کیا۔
اس وحشیانہ شرارت کے جواب میں سپاہ کی فضائیہ کے بہادر مجاہدین نے حملہ آوروں کو سزا دینے کے دوسرے مرحلے میں “یا رسول اللہ (ص)” کے مقدس رمز کے تحت اردن میں عقبہ کی خلیج کے ساحل پر واقع امریکی میرینز کے کیمپ تیٹین پر بیلسٹک میزائلوں کا زبردست حملہ کیا، جس میں بڑی تعداد میں امریکی اہلکار ہلاک ہو گئے اور دشمن کے کئی اہم تنصیبات اور حملہ آور ہیلی کاپٹر تباہ کر دیے گئے۔
اسلامی مجاہدین کا انتقامی عمل جاری ہے۔
و ما النصر الا من عند الله العزیز الحکیم