نگاه نو- امریکی فوج کی مرکزی کمانڈ (سینٹکام) نے بدھ کی صبح دعویٰ کیا کہ تمام تجارتی جہاز آبنائے ہرمز کے جنوب میں واقع راستے سے گزر سکتے ہیں۔
اسلامی جمہوریہ ایران کی جانب سے آبنائے ہرمز میں نئی گزرگاہ کھولنے کی امریکی کوششوں کے بارے میں انتباہ کے باوجود، دہشت گرد تنظیم “سینٹکام” نے اس آبی گزرگاہ کے جنوب میں واقع راستے کے حوالے سے اشتعال انگیز دعویٰ کیا ہے۔
امریکی فوج کی مرکزی کمانڈ (سینٹکام) نے بدھ کی صبح دعویٰ کیا کہ “آبنائے ہرمز کے ذریعے جنوبی راستہ تمام تجارتی جہازوں کے لیے جو اس بین الاقوامی آبی گزرگاہ سے گزرنا چاہتے ہیں، کھلا اور آزاد ہے”۔
سینٹکام نے اپنے ایک بیان میں مزید دعویٰ کیا کہ “پچھلے تین مہینوں کے دوران، امریکی افواج نے ایک ہزار سے زائد جہازوں کو ایران کی بلاوجہ جارحیت کے باوجود، اس آبنائے سے کامیابی کے ساتھ گزرنے میں مدد فراہم کی ہے اور یہ عمل آج بھی جاری ہے”۔
واضح رہے کہ تہران نے بارہا جنوبی ایران کے پانیوں میں موجود تجارتی جہازوں کو خبردار کیا ہے کہ آبنائے ہرمز سے گزرنے کا واحد راستہ وہی گزرگاہ ہے جو اسلامی جمہوریہ کی طرف سے متعین کی گئی ہے، اور کسی بھی دوسرے راستے سے گزرنے سے ان جہازوں کو شدید نقصان پہنچ سکتا ہے۔