نگاه نو- برطانیہ کی بحری آپریشنز تنظیم نے منگل کی صبح عمان کے مشرقی پانیوں میں ایک ٹینکر کے حادثے کی اطلاعات موصول ہونے کی خبر دی۔ اس تنظیم نے ایک بیان میں کہا کہ یہ ٹینکر قصبہ قلہات سے تقریباً ۷۴ کلومیٹر مشرق میں ایک نامعلوم پروجیکٹائل کی زد میں آیا جس کے نتیجے میں اس میں آگ بھڑک اٹھی۔
بیان کے مطابق، اس حادثے میں کسی قسم کا جانی یا ماحولیاتی نقصان رپورٹ نہیں کیا گیا۔
برطانیہ کی بحری آپریشنز تنظیم نے اس واقعے کی تفصیلات پر تحقیقات جاری رکھنے کا اعلان کیا اور قریبی دوسری کشتیوں کو ہدایت کی کہ وہ احتیاط کے ساتھ آمد و رفت کریں۔
چند منٹ بعد متحدہ عرب امارات کی وزارت دفاع نے اعلان کیا کہ ہمارے دو ٹینکر آبنائے ہرمز کے جنوبی حصے میں، عمان کی حدود میں، دو ایرانی میزائلوں کا نشانہ بنائے گئے۔