نگاه نو- ایرانی وزارت خارجہ کے ترجمان اسماعیل بقائی نے کہا ہے کہ جرمن وزیر خارجہ کے آبنائے ہرمز سے متعلق بیانات شرمناک ہیں اور جرمنی کو ایران کے خلاف فوجی جارحیت میں ہم دستی کا مکمل جواب دہ ہونا چاہیے۔
اسماعیل بقائی نے جرمن وزیر خارجہ کے آبنائے ہرمز کی صورتحال پر اظہار خیال کے ردعمل میں ایک پیغام میں لکھا کہ جرمن وزیر خارجہ کی آبنائے ہرمز سے متعلق لفاظی شرمناک ہے اور معاملے کو الٹا پیش کرنے اور الفاظ کی چال بازی کے اعتبار سے گوئٹے کے ڈرامے “فاوست” کے کردار “میفیسٹوفلیس” کی یاد دلاتی ہے۔
جرمن وزیر خارجہ یوہان وادفو نے پیر کو کہا تھا کہ اسلامی جمہوریہ ایران کو بالآخر آبنائے ہرمز میں بارودی سرنگوں کی صفائی کے بین الاقوامی آپریشنوں کا خرچ برداشت کرنا چاہیے۔
اس پر اسماعیل بقائی نے مزید کہا کہ جرمنی کو ایران کے خلاف فوجی جارحیت میں اپنی ہم دستی کا مکمل جواب دہ ہونا چاہیے اور اپنے غیر قانونی اور مجرمانہ اقدامات کے نتیجے میں ہونے والے ہرجانے کی ادائیگی کرنی چاہیے۔
ترجمان دفتر خارجہ نے اس سلسلے میں سوشل میڈیا پلیٹ فارم ایکس پر لکھا کہ اس قسم کی پیش دستیاں برلن کی موجودہ حکومت کو ایک غیر قانونی جنگ اور ایرانیوں کے خلاف جنگی جرائم میں شمولیت کی ذمہ داری سے بری نہیں کر سکتیں۔