نگاه نو- سپاہ پاسداران انقلاب اسلامی نے جمعرات کی صبح اعلان کیا ہے کہ اس نے کویت اور بحرین میں موجود امریکی فوجی اڈوں کے اہم بنیادی ڈھانچے اور تنصیبات کو نشانہ بنایا ہے۔
امریکی فوج کی جانب سے معاہدہ شکنی اور حملے کے بعد سپاہ پاسداران انقلاب اسلامی کا بیان درج ذیل ہے:
بسم الله قاصم الجبارین
قَاتِلُوهُمْ يُعَذِّبْهُمُ اللَّهُ بِأَيْدِيكُمْ وَيُخْزِهِمْ وَيَنْصُرْكُمْ عَلَيْهِمْ وَيَشْفِ صُدُورَ قَوْمٍ مُؤْمِنِينَ
ایران کی معزز قوم اور عراق کی باوقار اورمجاہد قوم!
آپ مومن، باشعور اور وفادار عوام کو سلام، جنہوں نے بروقت اقدام اور دنیا کی تاریخ کے ایک غیر معمولی تشییع کے ذریعے الٰہی قیادت کی عظمت اور عوام و اسلامی قیادت کے درمیان گہرے تعلق کو دنیا کے سامنے نمایاں کیا۔ آپ کے نعروں نے یہ پیغام بھی دیا کہ مسلمانوں کی دینی قیادت اور ولایت فقیہ کے خلاف کسی بھی جارحیت کی قیمت بہت بھاری ہوگی۔
اگرچہ یہ عظیم تشییع، خاص طور پر شدید گرمی میں 23 گھنٹے تک جاری رہنے والا پُرجوش جلوس، عراق کی سرزمین پر عوامی طاقت کا مظاہرہ تھا جس نے مغرور عالمی طاقتوں کو خوفزدہ کر دیا اور انہیں جلد بازی میں ردعمل دینے پر مجبور کیا، لیکن معاہدہ شکنی کرنے والے امریکہ نے اپنی تمام ذمہ داریوں کو پامال کرتے ہوئے ایک بار پھر ایران کے جنوبی ساحلی صوبوں میں متعدد مقامات اور عوام دشمن اقدام کے طور پر مشرقی صوبوں میں مشہد مقدس جانے والے دو پلوں کو نشانہ بنایا تاکہ اس تاریخی واقعے کی خبروں کو دبایا جا سکے اور دنیا کی توجہ اس سے ہٹا دی جائے۔ تاہم وہ اس حقیقت سے غافل ہیں کہ ایسے اقدامات دنیا بھر کے عوام کو مزید بیدار کریں گے اور انہیں امریکہ کے خلاف مزاحمت میں زیادہ پُرعزم بنائیں گے۔
اسلام کے مجاہدین امریکی فوج کی ان کارروائیوں کو ہرگز بغیر جواب کے نہیں چھوڑیں گے۔
امریکی معاہدہ شکن عناصر کے خلاف سزا دینے والے جواب کے پہلے مرحلے میں، سپاہ کی بحری اور فضائیہ کے دستوں نے مشترکہ میزائل اور ڈرون کارروائی کے ذریعے دشمن کے حملوں کے چند ہی گھنٹوں بعد ملک کے مختلف علاقوں سے کارروائی کرتے ہوئے کویت میں عریفجان اور علی السالم، جبکہ بحرین میں الجفیر اور شیخ عیسیٰ کے امریکی فوجی اڈوں کے اہم بنیادی ڈھانچے اور تنصیبات کو نشانہ بنایا۔
سپاہ پاسداران انقلاب اسلامی امریکی فوج کو خبردار کرتی ہے کہ اگر جارحیت دوبارہ دہرائی گئی تو ہمارا سخت جواب خطے میں موجود دیگر امریکی اڈوں تک بھی پھیلایا جائے گا۔
و ماالنصر الا من عندالله العزیز الحکیم
سپاہ پاسداران انقلاب اسلامی
(09/July/2026)18/ تیر/1405