نگاه نو- صدر مجلس شورای اسلامی نے ایران کے عوام کے خلاف ٹرمپ کے گستاخانہ بیانات پر جواب دیتے ہوئے کہا ہے کہ ہم خود اپنے اثاثوں کے بارے میں فیصلہ کرتے ہیں، آپ اپنے ملک میں غذائی قلت کی شرح کے بارے میں سوچیں۔
محمدباقر قالیباف، صدر مجلس شورای اسلامی نے ٹرمپ کے ایران کے عوام کے خلاف گستاخانہ بیانات پر سوشل میڈیا پلیٹ فارم ایکس پر اپنے اکاؤنٹ پر انگریزی زبان میں ایک پیغام لکھا۔
انہوں نے کہا کہ ذرا تصور کریں کہ آپ کے اپنے ملک کے چالیس ملین سے زائد شہری فوڈ اسٹامپس (غذائی امداد کے سرکاری پروگرام) پر انحصار کرتے ہیں، اور پھر بھی آپ کسی دوسرے ملک کو “بھوکا” قرار دیتے ہیں۔
صدر مجلس نے مزید لکھا کہ یہ بات کوئی سادہ اعلان یا دعویٰ نہیں ہے، بلکہ یہ ایک نفسیاتی منصوبہ ہے، یعنی آپ اپنے مسائل کو دوسروں پر تھوپتے ہیں۔ انہوں نے کہا کہ آپ کی SNAP (امریکی غذائی امداد پروگرام) کے بارے میں نصائح اور سفارشات اپنے پاس رکھیں۔
انہوں نے واضح کیا کہ ہم خود اپنے اثاثوں کے بارے میں فیصلہ کرتے ہیں، آپ اپنے ملک میں غذائی قلت کی شرح کا خیال رکھیں۔