نگاه نو- شمالی عراق میں دہشت گرد گروہوں کے ٹھکانوں کو لگاتار دی جانے والی ضربوں کے سلسلے میں اربیل میں ان گروہوں کے مراکز کو ڈرون کے ذریعے نشانہ بنایا گیا ہے۔ عراقی میڈیا نے رپورٹ دی ہے کہ اربیل کے علاقے غزنہ میں ایران مخالف دہشت گرد گروہوں کے ٹھکانوں پر ڈرون حملہ کیا گیا۔
الجزیرہ نیٹ ورک کے نامہ نگار نے بھی اطلاع دی کہ عراق کے شہر اربیل میں ڈرون حملے کی روک تھام کے لیے فضائی دفاعی نظام کو متحرک کیا گیا۔
عراقی کردستان کی پولیس نے بھی اعلان کیا کہ گزشتہ چوبیس گھنٹوں کے دوران سلیمانیہ صوبے کو چھ ڈرون حملوں کا نشانہ بنایا گیا۔
گزشتہ ہفتوں اور مہینوں کے دوران ایران مخالف یہ دہشت گرد بارہا ایران کے میزائل اور ڈرون حملوں کا نشانہ بنتے رہے ہیں۔ ان حملوں میں نہ صرف دہشت گردوں کے سازوسامان اور ٹھکانوں کو بھاری نقصان پہنچا ہے بلکہ بڑی تعداد میں دہشت گرد بھی ہلاک اور زخمی ہوئے ہیں۔