نگاه نو- قرارگاه مرکزی حضرت خاتم الانبیاء (ص) نے ایک بیان جاری کرتے ہوئے اعلان کیا ہے کہ اسلامی جمہوریہ ایران کسی بھی صورت میں کسی کو آبنائے ہرمز کے معاملات میں مداخلت اور اس اسٹریٹجک آبی گزرگاہ کے انتظام کی اجازت نہیں دے گا۔
قرارگاه مرکزی حضرت خاتم الانبیاء (ص) کے جاری کردہ بیان میں کہا گیا ہے کہ اسلامی جمہوریہ ایران ہرگز کسی بھی فریق کو آبنائے ہرمز کے امور میں دخل اندازی اور اس کی نگرانی کا موقع فراہم نہیں کرے گا۔
اس بیان میں مزید کہا گیا ہے کہ امت اسلامی کے شہید قائد کی تشییع والوداع کی تقریب میں عوام کی بے مثال اور تاریخی شرکت نے عالمی استکبار اور امریکہ کو شدید شکست سے دوچار کیا ہے اور ایک بار پھر ایرانی قوم کے اتحاد اور استقامت کا لوہا منوایا ہے۔
قرارگاه مرکزی خاتم الانبیاء (ص) نے یہ بھی بتایا کہ امریکی فوج نے جب مسلمانان اور آزادگان عالم کے شہید قائد کا پاکیزہ پیکر عراق کے ذمہ داران اور عوام کی مہمانی میں تھا، اسی دوران اپنی ذمہ داریوں سے روگردانی کرتے ہوئے ایک جارحانہ اقدام میں ملک کے جنوبی علاقوں کے بعض مقامات کو نشانہ بنایا۔
بیان کے تسلسل میں اس بات پر زور دیا گیا ہے کہ اسلامی جمہوریہ ایران کی مسلح افواج اس امریکی جارحیت اور دہشت گردانہ اقدام کو سخت اور کوبند جواب دیں گی اور کسی بھی حالت میں آبنائے ہرمز کے معاملات میں مداخلت اور اس کے انتظام کی اجازت نہیں دی جائے گی۔
آخر میں واضح کیا گیا ہے کہ آبنائے ہرمز میں تجارتی جہازوں اور تیل بردار بحری جہازوں کی آمد و رفت کا واحد محفوظ راستہ وہی ہے جو اسلامی جمہوریہ ایران کی طرف سے متعین اور اعلان کیا گیا ہے۔