نگاه نو- ایران کے پاسداران انقلاب کی فضائی قوت کی کمانڈ نے ایک بیان میں تصدیق کی ہے کہ اردن میں واقع امریکی فوج کے مرکزی کمانڈ سینٹر اور فضائی اڈے کو متعدد بیلسٹک میزائلوں کا نشانہ بنایا گیا ہے۔ پاسداران انقلاب کی فضائی قوت کی کمانڈ کی جانب سے جاری کردہ اس بیان میں بتایا گیا کہ یہ کارروائی امریکی فوج کی جارحانہ حرکتوں کے جواب میں کی گئی ہے۔
بیان کا متن درج ذیل ہے:
بسم اللہ قاصم الجبارین
و قاتلوهم حتی لا تکون فتنه
ایران کے عظیم اور شاندار عوام سے خطاب ہے کہ آپ کی بیدار اور بامعنی موجودگی نے دنیا کو حیرت اور تحسین پر مجبور کر دیا ہے، اور آپ کی نیک دعائیں ہی مجاہدین اسلام کی کامیاب کارروائیوں کی ضامن ہیں۔
گذشتہ گھنٹوں کے دوران، پاسداران کی فضائی قوت کے بہادر سپاہیوں نے امریکی فوج کے بچے مار اور جارحانہ اقدامات کے جواب میں، اردن میں واقع امریکی فوج کے مرکزی کمانڈ سینٹر اور فضائی اڈے کو متعدد بیلسٹک میزائلوں کا نشانہ بنایا۔
جب تک ایران کے خلاف امریکی دھمکیاں جاری رہیں گی اور امریکی افواج کے غیر قانونی اور شرانگیز اقدامات ہمارے مفادات کے خلاف جاری رہیں گے، تب تک مزاحمت بھی جاری رہے گی۔ لہٰذا امریکی حکام کو اپنی دھمکیاں اور ہمارے مفادات کے خلاف غیر قانونی مداخلت ختم کرنی ہوگی۔
و ما النصر الا من عندالله العزیز الحکیم.